O‘zbekistonda uy-joy ko‘chmas mulk bozori ketma-ket ikkinchi oy ijobiy dinamikani ko‘rsatmoqda. Ma’lumotlarga ko‘ra, aprel oyida sotuvlar 11 foizga, may oyida esa 9 foizga oshgan. Bu haqda Iqtisodiy tadqiqotlar va islohotlar markazi ma’lum qildi.

O‘zbekistonda may oyida 21,6 mingta uy-joy sotilgan, bu o‘tgan oyga nisbatan 9 foizga yuqori.

O‘tgan yilning may oyiga nisbatan uy-joy bozoridagi faollik 15,2 foizga kamaygani aytilmoqda.

Uy-joy savdosining eng katta o‘sishi Samarqand viloyatida qariyb 21 foizga, Andijon va Namangan viloyatlarida mos ravishda 19,3 va 15 foizlarda kuzatilgan.

Toshkentdagi uy-joy ijaraga berish bozoridagi vaziyat qanday?

May oyida uy-joy ijara bozori aprel oyidagi pasayishga nisbatan mo‘tadillashdi. Aprel oyi bilan taqqoslaganda poytaxtning aksariyat tumanlarida sezilarli o‘sish qayd eitlmadi, o‘sish atigi 1,2 foizni ko‘rsatdi. Toshkentda uy-joy ijara narxi bir kvadrat metri uchun 8,4 dollarni tashkil etdi.

Mirobod, Shayxontohur va Yakkasaroy tumanlarida ijara narxi hamon yuqoriligicha qolmoqda, ushbu tumanlarda ijara narxi bir kvadrat metri uchun o‘rtacha 10,5 dollarni ko‘rsatmoqda.

Boshqa tumanlarga nisbatan arzon uy-joy ijara narxlari Uchtepa, Sergeli va Bektemir tumanlarida saqlanib qolmoqda.
Shu bilan birga, o‘tgan yilning may oyiga nisbatan poytaxt ijara bozori 6,7 foizga qisqargan.

Respublika bo‘yicha ikkilamchi uy-joy narxlari may oyida 1,3 foizga, yillik hisobda esa 10,3 foizga oshdi, bu inflyatsiya ko‘rsatkichlariga yaqinroq. Bu haqda Iqtisodiy tadqiqotlar va islohotlar markazi ma’lum qildi.

O‘tgan oyda mamlakatda ikkilamchi uy-joylar narxlari dinamikasi o‘rtacha o‘sish bilan tavsiflangan. May oyida ikkilamchi bozorda o‘rtacha narxlar o‘tgan oyga nisbatan 1,3 foizga oshgan. Yillik ko‘rsatkichlarda narxlarning sezilarli darajada - 10,3 foizga o‘sishi kuzatilmoqda, bu esa iqtisodiyotdagi umumiy inflyatsiya darajasiga yaqinlashmoqda, deyilgan tahlilda.

Shunday qilib, oylik dinamikasining bir oz yumshatilishiga qaramay, ikkilamchi uy-joy narxlarining uzoq muddatli o‘sish tendensiyasi davom etmoqda.

Ikkilamchi uy-joy narxlarining eng yuqori o‘sishi qayd etilgan hududlar Buxoro, Qashqadaryo, Toshkent, Xorazm viloyatlari bo‘lib, ularda narxlar o‘rtacha 18,7 foizga oshgan.

Joriy yilning may oyida poytaxtning ikkilamchi uy-joy bozorida narxlarning sezilarli darajada oshishi qayd etilgan hududlardagi vaziyatdan farqli o‘laroq, narxlar holati sezilarli o‘zgarishlarsiz saqlanib qolgan.

May oyida poytaxtda narxlar o‘sishi 1,1 foizni tashkil etdi, bu o‘tgan oyning ko‘rsatkichiga to‘g‘ri keladi. Yillik ko‘rsatkichda 2023-yil may oyiga nisbatan poytaxtda ikkilamchi uy-joy bozorida narxlarning o‘sishi 11,1 foizni tashkil etdi.

Poytaxtning markaziy tumanlari kontekstida ikkilamchi uy-joy bozoridagi narx dinamikasini tahlil qilish vaziyatning turlicha ekanligini ko‘rsatadi. May oyida narxlarning eng yuqori o‘sish sur’atlari Mirzo Ulug‘bek, Chilonzor va Uchtepa tumanlarida qayd etildi. Narxlarning eng yuqori o‘sishini ko‘rsatgan ushbu uchta hudud uchun o‘rtacha hisobda ikkilamchi uy-joy narxining o‘sishi 1,5 foizni tashkil etgan.

• Ko'chmas mulk