Birja savdolarida AI-80 markali avtomobil benzini narxi pasayishi  davom etmoqda, deb xabar bermoqda Monopoliyaga qarshi kurashish qo‘mitasi.

Qayd etilishicha,  ko‘rilayotgan choralar natijasida kichik 1 tn lotlar joriy yilning 24-noyabrida  birja savdolariga jami 5 397,4 tn AI-80 markali benzin qo‘yilgan bo‘lsa, shundan 5 208 tn yoki 96 foizi  sotilgan.

Natijada, 24-noyabr kuni AI-80 markali avtomobil benzinining o‘rtacha sotilish narxlari 1 tonnasi 10 129 ming so‘mdan 8 098 ming so‘mgacha pasayib yoki 15-noyabrga nisbatan 20 foizga arzonlashdi.

Ta’kidlanishicha, kichik 1 tn lotlar savdosida Buxoro NQIZ  tomonidan mahalliy xomashyodan ishlab chiqarilgan benzining o‘rtacha sotish narxi 6753 ming so‘mgacha pasaydi yoki 16-noyabrga nisbatan 31 foizga arzonlashdi, “Sanoat energetika guruhi” MChJ QK mahsuloti bo‘yicha pasayish 22 foizni tashkil etdi.

16-24-noyabr kunlari AI-80 markali benzinning hududlar kesimida chakana narxlari 200-1000 so‘m oralig‘ida o‘zgargan. 

• Benzin
• Birja