Monopoliyaga qarshi kurashish qo‘mitasi joriy yilning 15-noyabrga nisbatan 17-noyabr kuni birja savdolarida Ai-80 markali benzinning narxida pasayish kuzatilganini ma’lum qildi.

Birja savdolariga qo‘yilgan AI-80 markali avtomobil benzinining o‘rtacha sotilish narxlari 1 tonnasi 10 129 ming so‘mdan 9 365 ming so‘mga tushib, 8 foizga arzonlashdi.

Shuningdek, birja savdolari orqali benzin sotib oluvchi kunlik xaridorlar soni 3,5 barobarga (32 tadan 112 taga) oshgan.

Qo‘mitaning ta’kidlashicha, yuqoridagi ko‘rsatilgan chora-tadbirlar bu vaqt talab qiladigan masala va bu davrda avtomobillarga yonilg‘i quyish shahobchalari tomonidan ilgari sotib olingan qimmat narxdagi benzin zaxiralari hisobiga yuqori chakana narxlar saqlanib qolishi mumkin.

• Benzin
• Birja
• Narx-navo