2022-yil 10–14-iyunda O‘zbekiston respublika tovar-xomashyo birjasida o‘tkazilgan ochiq birja savdolari natijalariga ko‘ra, shakarning barcha kategoriyasi bo‘yicha shakllangan o‘rtacha kunlik narxi mahsulotning bir tonnasi uchun 14 million 554,5 ming so‘mdan 10 million 754,9 ming so‘mgacha, ya’ni 26,1 foizga pasaydi.

Ko‘rib chiqilayotgan davrda birja savdolariga jami 6 004 tonna shakar qo‘yilgan bo‘lib, ulardan barchasi sotilgan. Bunda, birja savdolari orqali “Xorazm shakar” MChJ tomonidan 3 ming tonna va “Angren shakar” MChJ tomonidan 3 ming 4 tonna shakar sotilgan.

Qayd etilishicha, shakarni birjada xarid qilishda talab darajasidan kelib chiqqan holda, hududlar o‘rtasida mutanosib taqsimot shakllanmoqda.

• Birja
• Narx-navo
• Shakar