AQSh prezidenti Eronda davom etayotgan namoyish ishtirokchilarni qoʻllab-quvvatlashini aytdi. Shuningdek, prezident Bayden namoyishni zoʻravonlik bilan bostirishga qarshi ekanligini maʼlum qildi. Bu haqda Oq Uyning rasmiy saytida bayonotda eʼlon qilingan.

“Men Erondagi teng huquqlilikni hamda inson qadr-qimmati uchun namoyishlarda qatnashayotgan talabalar hamda ayollar kabi tinch aholi vakillarining harakatlarini zoʻravonlik bilan bostirishga urinish holatlari kuchayib borayotganidan qattiq xavotirdaman.

Namoyishchilar BMT Nizomi va Inson huquqlari umumjahon deklaratsiyasining asosini tashkil etuvchi adolatli va umuminsoniy tamoyillarga amal qilishga chaqirmoqda. Qoʻshma Shtatlar oʻz jasorati bilan dunyoni ilhomlantirayotgan eronlik ayollar va barcha Eron fuqarolari bilan birga.

Qoʻshma Shtatlar eronliklarga internetga kirishni osonlashtiradi. AQSh fuqarolik jamiyatini toʻxtatish uchun zoʻravonlik choralarini qoʻllashga masʼul boʻlgan Axloq Politsiyasi kabi Eron rasmiylari va tashkilotlarni javobgarlikka tortadi. Biz Eron rasmiylarini javobgarlikka tortishda va eronliklarning erkin namoyishlar uyushtirish huquqlarini qoʻllab-quvvatlashda davom etamiz”, – deyiladi Jo Bayden bayonotida.

• Bayden
• Oq uy