31°
Kechasi 18°
Ijtimoiy tarmoq faoli Qobil Do‘sovga berilgan ozodlikni cheklash jazosi ozodlikdan mahrum qilish jazosiga almashtirildi. Bu haqda Kun.uz nashri xabar berdi.
24-yanvar kuni Toshkent shahar jinoyat ishlari bo‘yicha Yashnobod tuman sudida IIO FMB boshlig‘ining Qobil Do‘sovga nisbatan tayinlangan jazoning o‘talmay qolgan qismini ozodlikdan mahrum qilish jazo turiga almashtirish haqidagi taqdimnomasi ko‘rib chiqilgan.
Taqdimnomada keltirilishicha u cheklov taqiqlarga rioya etmasdan, jazo o‘tashdan qasddan bo‘yin tovlab kelgan. Sud Yashnobod tumani IIO FMB boshlig‘ining taqdimnomasini qanoatlantirdi. Unga ko‘ra, Jinoyat ishlari bo‘yicha Chilonzor tuman sudining 2024-yil 22-noyabrdagi hukmi bilan mahkum Qobil Do‘sovga tayinlangan va o‘talmay qolgan 11 oy 2 kun ozodlikni cheklash jazosi, shu muddatga ozodlikdan mahrum etish jazosiga almashtirildi.
Ma’lumot uchun, Qobil Do‘sov 2024-yil noyabr oxirlarida maktabgacha va maktab ta’limi vaziri o‘rinbosari Farhod Boqiyevni haqorat qilganlikda aybli deb topilib, 1 yilga ozodlikni cheklash jazosiga hukm qilingan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
