“BMT Bosh Assambleyasi 12-sentyabr kuni ko‘pchilik ovoz bilan Isroil va Falastin davlatlari to‘g‘risidagi qarorni amalga oshirish bo‘yicha qadamlarni nazarda tutuvchi deklaratsiyani ma’qulladi”, – deya xabar bermoqda Turkiyaning TRT nashri.

Ma’lum qilinishicha, 7 sahifadan iborat hujjat iyul oyida BMT bosh qarorgohida Saudiya Arabistoni va Fransiya tomonidan tashkil etilgan xalqaro konferensiyada tayyorlangan.

“G‘azodagi urushni to‘xtatish kontekstida XAMAS sektordagi hukmronligini to‘xtatishi va suveren va mustaqil Falastin davlatini yaratish maqsadiga erishish uchun xalqaro qo‘llab-quvvatlash va ishtirokda Falastin ma’muriyatiga qurol topshirishi kerak”, – deyiladi deklaratsiyada.

Hujjatni qo‘llab-quvvatlovchi rezolyutsiyani 142 davlat jumladan O‘zbekiston ham yoqlagan, 10 davlat qarshi chiqqan bo‘lsa, yana 12 davlat betaraf qolgan. Deklaratsiyani AQSh va Isroil boykot qildi.

• BMT
• Deklaratsiya
• Falastin