BMTning inson huquqlari bo‘yicha maxsus ma’ruzachisi Maykl Link 54 yildan beri Falastin yerlarini ishg‘ol qilib turgani uchun Isroilni javobgarlikka tortish zarurligini aytgan. 

“BMT Xavfsizlik Kengashining 2334-sonli rezolyutsiyasi qabul qilinganiga besh yil bo‘ldi. Xalqaro hamjamiyat bergan so‘zlariga va o‘z qonunlariga jiddiy e’tibor qaratishi lozim”, – degan Maykl Link.
Maykl Linkning fikricha, xalqaro hamjamiyat qat’iyat bilan Isroilni javobgarlikka tortishga kirishmas ekan, Falastin xalqining o‘z taqdirini o‘zi belgilashi va to‘qnashuvlarning yaqin orada to‘xtashiga umid qilmasa ham bo‘ladi. 

“Agar 2334-sonli rezolyutsiya xalqaro hamjamiyat tomonidan chindan ham tatbiq etilganida va Isroil unga rioya qilganida edi, katta ehtimol bilan adolatli va barqaror tinchlikning ostonasida bo‘lgan bo‘lardik”, – degan BMTning maxsus ma’ruzachisi. 
BMT Xavfsizlik Kengashining 2334-sonli rezolyutsiyasi 2016-yilning 23-dekabrida qabul qilingan bo‘lib, unda Iordan daryosining g‘arbiy sohilida yahudiylar uchun turar joylar qurilishini to‘xtatish talab qilingan

Malumotlarga ko‘ra, Gʻarbiy sohilni 1967-yilda Isroil bosib olgan.

• BMT
• Isroil