BMT O‘zbekiston va Qozog‘istonda radioaktiv va yadroviy materiallarning noqonuniy aylanishining oldini olish dasturini ishga tushirdi. Bu haqda O‘zbekiston Respublikasi bojxona qo‘mitasi ma’lum qildi.

Dasturning maqsadi huquqni muhofaza qilish organlarining radioaktiv moddalar kontrabandasiga qarshi kurashish imkoniyatlarini oshirishdir. Ixtisoslashgan bo‘limlarning ehtiyojlarini tahlil qilish, o‘qituvchilarni tayyorlash va qo‘shma tadbirlarni o‘tkazish rejalashtirilgan.

Dasturning amal qilish muddati ikki yil. U Norvegiya radiatsiya xavfsizligi agentligi (DSA) tomonidan moliyalashtiriladi. O‘zbekistonda sanoat, radiatsiya va yadro xavfsizligi qo‘mitasi dastur koordinatori etib saylandi.

Loyihani muhokama qilish bo‘yicha birinchi uchrashuv 2-3-dekabr kunlari Turinda bo‘lib o‘tdi. Tadbirda O‘zbekiston Respublikasi milliy dastur koordinatori Otabek Qosimov respublikada radiatsiyaviy vaziyatni monitoring qilishning avtomatlashtirilgan tizimi yaratilayotganini ma’lum qildi.

• BMT
• O‘zbekiston