O‘zbekiston Milliy olimpiya qo‘mitasi matbuot xizmatining xabar berishicha, Xalqaro dzyudo federatsiyasi dzyudochilarning yangilangan reyting jadvalini e’lon qildi.

Quvonarlisi, unda hamyurtimiz Davlat Bobonov -90 kg vazn toifasida yana peshqadamga aylandi.

Avvalgi oyda gruziyalik Lasha Bekauridan kichik farq bilan ortda borayotgan hamyurtimiz raqibining ikki yil avvalgi musobaqada qo‘lga kiritgan ochkolari kuyib ketgani bois yana o‘zining 1-pog‘onasiga ko‘tarildi.

Shu tariqa, Tokio–2020 sovrindori 2021-yilni o‘z vazn toifasidagi reytingda peshqadam sifatida yakunlaydigan bo‘ldi.

Xalqaro dzyudo federatsiyasi reytingi:

-90 kg:

1. Davlat Bobonov (O‘zbekiston) – 5736 ochko

2. Lasha Bekauri (Gruziya) – 4880 ochko

• Dzyudo