Isroil armiyasining G‘azo sektoriga uyushtirgan hujumlari natijasida yana bir jurnalist halok bo‘ldi, deb xabar bermoqda Falastin hukumatining G‘azodagi matbuot xizmati.

Matbuot xizmatining aniqlik kiritishicha, “Al-An” agentligi xodimi Muhammad Bisam al-Jamol Rafah shahridagi uylardan biriga zarba berish chog‘ida halok bo‘lgan.

2023-yil 7-oktyabrdan beri Isroilning G‘azo sektoriga uyushtirgan hujumlarida halok bo‘lgan ommaviy axborot vositalari xodimlari soni 141 nafarga yetdi.

G‘azo hukumati avvalroq Isroil “Falastin ovozini o‘chirish, faktlarni yashirish hamda mintaqa va xalqaro jamoatchilikka xabar va ma’lumotlar yetib borishiga yo‘l qo‘ymaslik uchun” G‘azodagi ommaviy axborot vositalari xodimlarini ataylab nishonga olayotgani haqida xabar bergan edi.

• Falastin
• Isroil
• jurnalist