Toshkentda bo‘lib o‘tayotgan O‘zbekiston xalqaro madaniy meros haftaligida bu haqida ma’lum qilindi.

Mazkur albom Berlin kutubxonasida saqlanmoqda. Albomning bir tomonida g‘azallar, ikkinchi tomonida esa miniatyuralar aks ettirilgan. Albomdagi g‘azallar turkiy tilda yozilgan hamda ular Alisher Navoiy va Husayn Boyqaroga tegishlidir.

“Boburiylar sulolasi uch yuz yildan ortiq hukmronlik tarixiga ega bo‘lsa-da, hech qachon o‘z ota-bobosini, millatini, tilini unutmagan. Saroyda forscha, hindcha yoki boshqa tilda gaplashgan bo‘lishi mumkin, lekin asosiy, eng jiddiy masalalar turkiy tilda hal qilingan va juda ko‘plab turkiy qo‘lyozmalar ko‘chirilgan. Mazkur albomning 25 tasi Germaniyadagi Berlin davlat kutubxonasida saqlanayotgan bo‘lsa, qolgan 100 ga yaqin qismi Buyuk Britaniya, AQSh, Chexiya hamda Eronda ekanligi ma’lum qilindi.

Chet ellarga tarqalib ketgan O‘zbekiston madaniy merosi namunalarini qaytarish kabi madaniy islohotlar O‘zbekiston Respublikasi Prezidenti tashabbusi bilan amalga oshirilmoqda. Hozirda Boburiylarga tegishli albomning tarqalib ketgan barcha qismlarining faksimileni yig‘ish va O‘zbekistonga olib kelish bo‘yicha ishlar davom etmoqda”, — dedi O‘zbekistondagi Islom sivilizatsiyasi markazi direktori Firdavs Abduxoliqov.

• Taqdimot
• Zahiriddin Muhammad Bobur
• topilma