“Yallama” chegara bojxona posti inspektor-surishtiruvchisi pora bilan ushlanib, qamoqqa olindi. Bu haqda O‘zA xabar berdi.

Unga ko‘ra, Toshkent viloyati bojxona boshqarmasining “Yallama” chegara bojxona posti inspektor-surishtiruvchisi taqiqlangan tovarlarni tadbirkor tomonidan mamlakatimizga olib kirish bo‘yicha sodir etilgan huquqbuzarlikni sudda ko‘rib chiqilishi jarayonida mansabdor tanishlari orqali unga yengillik yaratib berish va ushbu tovarlarni O‘zbekistondan qaytarib olib chiqib ketishida yordam berish evaziga 1000 AQSh dollari olgan vaqtida Davlat xavfsizlik xizmati xodimlari tomonidan ushlangan.

Tergovga qadar tekshiruv davomida bojxona inspektori mazkur masalada ko‘maklashish uchun muqaddam 300 AQSh dollari olganligi ham ma’lum bo‘lgan.

Hozirda unga nisbatan Jinoyat Kodeksining 168-moddasi 3-qismi “v” bandi va 28,211-moddasi 1-qismi bilan jinoyat ishi qo‘zg‘atilib, qamoq ehtiyot chorasi qo‘llanilgan.

• Bojxona