Andijonda bojxona xodimlari tomonidan 111,5 mln. soʻmlik zargarlik buyumlarini yashirincha olib kirishga boʻlgan urinish aniqlandi. Bu haqda Bojxona qoʻmitasi xabar berdi.

Qayd etilishicha, Andijon viloyati bojxona boshqarmasi “Doʻstlik” chegara bojxona postiga qoʻshni mamlakatdan kirib kelgan fuqaro R.N., A.S. va X.S.larning yuklari bojxonachilar tomonidan nazoratdan oʻtkazilgan.

Natijada, ushbu shaxslarga tegishli yuklar orasida deklaratsiyada koʻrsatilmagan, bojxonachilarning ogʻzaki soʻrovida maʼlum qilinmagan, fuqaro R.N.ga tegishli 54 gr., A.S.ga tegishli 138 gr. hamda X.S.ga tegishli 43 gr. boʻlgan umumiy qiymati 111,5 mln. soʻmlik zargarlik buyumlari yashirincha olib oʻtilayotganligi aniqlangan.

Maʼlum qilinishicha, hozirda mazkur holat yuzasidan bojxona organlari tomonidan surishtiruv harakatlari davom ettirilmoqda.

• Bojxona