Rossiya poytaxti Moskva shahrida navbatdagi professional boks kechasi tashkillashtirildi va unda bir qancha o‘zbekistonlik charm qo‘lqop ustalari ringga ko‘tarildi.

Professional boksda ancha muvaffaqiyatli odimlayotgan Eldor Abduqodirov navbatdagi g‘alabasiga erishdi. U o‘zining to‘qqizinchi jangida mezbonlar vakili Yevgeniy Turshikovga qarshi ringga chiqdi va 2-raundayoq raqibini nokautga uchratib, faoliyatidagi sakkizinchi g‘alabasini tantana qildi. Hamyurtimiz hisobida bitta mag‘lubiyat ham bor.

Shodilbek Sharobiddinov esa yana bir rossiyalik charm qo‘lqop ustasi Roman Petuxovni olti raundlik jangning 27-soniyasidayoq ringga qulatgan bo‘lsa, samarqandlik Shahzod Sa’dulloyev Gor Ogonasyan bilan kechgan bahsda durangga erishdi.

Afsuski, boks oqshomida jang o‘tkazgan boshqa hamyurtlarimiz - Shuhratbek Mahkamov, Ahmad Mamajonov, Husan Yo‘ldoshev, Sherzod Mamajonov  va Baxit Abdurahimovlar imkoniyatni boy berishdi.

• Boks