Shengen vizasiga ega rossiyaliklar Boltiqboʻyi mamlakatlarining quruqlik chegarasidan o‘ta olmaydi. Bu haqda Latviya tashqi ishlar vaziri Edgars Rinkevich bugun, 7-sentyabr kuni Kaunasda Boltiqboʻyi va Shimoliy Yevropa davlatlari tashqi ishlar vazirlarining yigʻilishida ma’lum qildi.

“Shengen vizasi boʻlgan Rossiya fuqarolari, ayrim istisnolardan tashqari, chegarani kesib oʻta olmaydi”,— deydi u.

Cheklovlardan istisnolar yuk mashinalari haydovchilari, diplomatlar va gumanitar hamda oilaviy sabablarga ko‘ra chegarani kesib o‘tuvchilar uchun amalga oshiriladi.

Latviya TIV rahbarining soʻzlariga koʻra, Boltiqboʻyi mamlakatlari hukumatlari yaqin kunlarda cheklovlar haqida eʼlon qiladi.

Ma’lumot uchun, o‘tgan haftada Yevropa Ittifoqi tashqi ishlar vazirlari Pragadagi norasmiy yig‘ilishda Rossiya bilan vizani soddalashtirish bo‘yicha kelishuvni to‘xtatishga kelishib oldilar, bu esa ruslarga viza olishni uzoqroq, qiyinroq va qimmatroq qiladi. Shu bilan birga , Polsha , Boltiqbo‘yi davlatlari va Finlyandiya kelasi haftada Moskvaga qarshi viza sanksiyalarini muhokama qilishni davom ettirish niyatida.

TIV matbuot kotibi Mariya Zaxarova Yevropa Ittifoqining rejalarini sharhlar ekan, Rossiya odamlar oʻrtasidagi “koʻpriklarni yoqish” boʻyicha asossiz siyosatda Yevropa Ittifoqiga oʻxshab ketmoqchi emas, balki javob qaytarish huquqini oʻzida saqlab qolganini aytdi.

Rossiya prezidenti matbuot kotibi Dmitriy Peskov , o‘z navbatida, agar YI rossiyaliklarga viza berishga cheklovlar qo‘ysa, ularning fuqarolari ham chegarani kesib o‘tishda noqulayliklarga duch kelishlarini aytdi. Uning so‘zlariga ko‘ra, bu “aqlsiz rusofobik munosabatning navbatdagi spirali”. Shu bilan birga, avvalroq Kremlda ular Shengen vizasini berish masalasida Yevropa Ittifoqining hushyor fikrlashiga umid bildirishgan.

• Estoniya
• Latviya
• Litva
• Rossiya
• Viza