Buyuk Britaniya bosh vaziri Boris Jonson Madriddagi NATO sammitida mamlakatning Xitoy bilan o‘zaro munosabatlari haqida fikr bildirdi.

“Biz Xitoy bilan ulkan iqtisodiy munosabatlarga egamiz, lekin shu bilan birga, biz o‘zaro raqobat qilishimiz va ba’zan Xitoyning harakatlariga qarshi turishimiz kerak.

Buyuk Britaniyaning hozirda butun dunyo siyosiy va iqtisodiy maydoni bo‘ylab qilayotgan ishlari mamlakatning muvozanatga ega ekanligini va kerak bo‘lganda Xitoyga qarshi turishi mumkinligini anglatadi”, – dedi Jonson NATO sammitida.

Shuningdek, Bosh vazir Buyuk Britaniya va G‘arb Xitoy bilan munosabatlarda muvozanatni ta’minlashi kerakligi va joiz bo‘lganda Pekinga buni eslatishga tayyorligini qo‘shimcha qildi.

Mavzuga doir: Britaniya Ukrainaga yana bir milliard funt sterling miqdorida harbiy yordam jo‘natadi

• Buyuk Britaniya
• NATO
• Xitoy