Bosh vazir Abdulla Aripov joriy yil 20-21-iyun kunlari Belarusda bo‘lib o‘tadigan Evroosiyo hukumatlararo kengashi yig‘ilishida ishtirok etish uchun Minsk shahriga etib bordi.

Aeroportda uni Belarus bosh vaziri Roman Golovchenko kutib olgan.

Belarus va O‘zbekiston bosh vazirlari “Yuqori texnologiyalar parki”ga tashrif buyurib, u erda ishlab chiqarilgan mahsulotlar bilan tanishdi.

Mazkur parkning xizmatlari eksporti 2021-yilda 4,6 million dollarni, 2022-yilning 4 oyida esa 1,1 million dollarni tashkil etdi.

“Belarus IT-kompaniyalarining O‘zbekistondagi asosiy qiziqishi bank sektori, sog‘liqni saqlash, atrof-muhitni muhofaza qilish, sanoat jarayonlarini avtomatlashtirish sohasidagi raqamli loyihalardir”, – deyiladi xabarda.

Tadbirda EOII davlatlari va kuzatuvchi-davlatlarning hukumat rahbarlari, shuningdek, Evroosiyo iqtisodiy komissiyasi  hayʼati raisi ishtirok etadi.

Maʼlum qilinishicha, kun tartibida elektron tijorat, bojxona hamkorligi masalalari hamda texnologik sanoat sohalarida kooperatsiya va import o‘rnini bosish bo‘yicha komissiyani tashkil etish kabi masalalar ham muhokama qilinadi.

• Aripov
• Minsk
• YeOII