Chorshanbaga o‘tar kechasi Braziliyaning Riu-Grandi-du-Sul shtatida sodir bo‘lgan kuchli siklon oqibatida 1,1 milliondan ortiq elektr energiyasi iste’molchisi zarar ko‘rdi. Shuningdek, bir kishi halok bo‘lgan va 12 kishi jarohatlangan. Bu haqida RIA Novosti xabar berdi.

Shtat hukumati ma’lumotlariga ko‘ra, Portu-Alegridagi Kashueyrinya munitsipalitetida ustiga bino tomi qulashi oqibatida bir kishi halok bo‘lgan.

Ayrim munitsipalitetlarda so‘nggi sutkada 100 millimetrdan ortiq yomg‘ir yog‘gan. Shamolning tezligi esa soatiga 100 kilometrdan oshgan.

 Davlat fuqaro mudofaasi xizmati so‘zlariga ko‘ra, 4840 kishi jabrlangan, 12 kishi jarohatlangan, 48 kishi uyini tashlab ketishga majbur bo‘lgan. Hozirgacha Riu-Grandi-du-Suldagi 39 ta munitsipalitet vayronalar yoki boshqa hodisalar haqida xabar bergan.

Shuningdek, qutqaruvchilar mintaqada yana yomg‘ir va bo‘ron bo‘lishidan ogohlantirgan.

• Braziliya
• suv_toshqini