Braziliyada kuchli yomg‘ir yog‘ib, suv toshqinlari va ko‘chkilarni keltirib chiqarmoqda.

Maʼlumotlarga koʻra, oʻt oʻchiruvchilar suv bilan oʻralgan binolar tomidan bolalar va kattalarni qutqarishga harakat qilmoqda.

Shuningdek, Santa-Katarina shtatining kamida 17 shahrida favqulodda holat e’lon qilingan.
Mamlakat janubida kuchli yomg‘ir yog‘ib, yirik sel va ko‘chkilarni keltirib chiqardi.

Hozirga qadar qutqaruvchilar 880 ga yaqin odamni evakuatsiya qilishgan. Biroq, ko‘p odamlar hali ham yordam kutmoqda.

Qo‘shni Parana shtatida itlar bilan qutqaruv guruhlari ko‘chki bo‘lgan hududda odamlarni qidirmoqda. O‘nlab odamlar bedarak yo‘qolgan deb taxmin qilinmoqda.

Yilning shu davrida Braziliyada vayron qiluvchi suv toshqinlari muntazam ravishda sodir bo‘ladi.
Biroq, rasmiylarning xabar berishicha, bu safar yomg‘ir ko‘rsatkichdan ancha ko‘proq yog‘gan.

• AQSh
• Braziliya
• Tabiiy ofat