Ma’lumotlarga ko‘ra, Buyuk Britaniya Mudofaa vazirligi Ukraina hududiga Ukraina Qurolli kuchlari askarlari va ofitserlarini tayyorlaydigan britaniyalik harbiy xizmatchilarni joylashtirish imkoniyatini o‘rganmoqda. Bu haqda mamlakat Mudofaa vazirligi rahbari Grant Shepps mahalliy nashrlardan biriga  bergan intervyusida ma’lum qildi. 

“Bugun men (Britaniya Bosh shtabi rahbariyati bilan) kelajakdagi mashg‘ulotlarni (Ukraina chegaralariga) yaqinlashtirish, shuningdek, uni Ukrainaning o‘ziga o‘tkazish haqida gaplashdim. O‘ylaymanki, ayniqsa, mamlakat g‘arbiy qismida endi hamma narsa ko‘proq mahalliy darajada amalga oshirilishiga ishonch hosil qilish imkoniyati mavjud va bu shunchaki mashg‘ulot emas. Biz BAE (Britaniya mudofaa kompaniyasi) o‘z ishlab chiqarishini mamlakatga ko‘chirayotganini ko‘rmoqdamiz", deydi Shepps.

Shuningdek, vazir boshqa NATO davlatlari bilan birgalikda Buyuk Britaniya Ukraina Qurolli kuchlari bilan o‘zaro hamkorlikni yaxshilash va ularni alyansga a’zolikka tayyorlash ustida ishlashi kerakligini aytgan.

"Men boshqa kompaniyalarning ham xuddi shunday qilishlarini va bunga hissa qo‘shishlarini ko‘rishni juda istardim, shuning uchun o‘ylaymanki, mamlakatning o‘zida harbiy tayyorgarlik va qurol hamda o‘q-dorilar ishlab chiqarishga o‘tish bo‘ladi", deydi Mudofaa rahbari.

Nashrning eslatishicha, hozircha NATO davlatlarining hech biri o‘limli mojaroning kuchayishiga sabab bo‘lishi mumkin bo‘lgan ukrainalik harbiy xizmatchilarni Ukrainadan tashqarida tayyorlashni ma’qul ko‘rib, ochiqchasiga bunday qadam tashlamagan.

• Buyuk Britaniya
• Harbiy
• Ukraina