Buyuk Britaniya Ukraina qurolli kuchlariga Rossiya bosqinchilariga qarshi mudofaadan hujumga o‘tish uchun Ukrainaga yana 1 milliard funt sterling (1,2 milliard dollardan ortiq) harbiy yordam beradi. Bu haqda Bloomberg Bosh vazir Boris Jonson idorasiga tayanib xabar berdi.

Ma’lumotga ko‘ra, Yordam havo hujumidan mudofaa tizimlari, uchuvchisiz samolyot (dron)lar, elektron urush uskunalari va Ukraina harbiylari uchun minglab muhim jihozlarni qamrab oladi.

Boris Jonson idorasining ta’kidlashicha, qo‘shimcha jihozlar Ukrainaga hujumga o‘tish imkonini beruvchi ilk qadam.

Ma’lumot o‘rnida, Buyuk Britaniya urush boshlanganidan beri Ukrainaga umumiy hisobda 2,3 milliard funt sterling (2,8 milliard dollar) miqdorida harbiy yordam bergan. Bu AQSh va boshqa davlatlarning harbiy yordamiga qaraganda ko‘p.

• Buyuk Britaniya
• Moddiy yordam
• Qurol
• Ukraina