Bugatti o‘zining giperkarlari uchun Sur Mesure deb nomlangan shaxsiylashtirish dasturini ishga tushirdi. Bu haqida “Kommersant’” xabar berdi.
Qayd etilishicha, Bugatti Sur Mesure loyihasidagi birinchi model 1500 ot kuchiga ega Bugatti Chiron Pur Sport kupesi bo‘lib, u 1931-yilgi Fransiya Gran-prisida g‘alaba qozongan Lui Shiron va Axil Varsining Bugatti Type 51 xotirasiga bag‘ishlangan.
Shuningdek, avtomobil ushbu giperkar uchun maxsus ishlab chiqilgan ikkita rangga bo‘yalgan hamda unga qo‘lda “32” raqami chizilgan. Qizil rangli EB dizayni ham kupedagi kashtalar kabi qo‘lda ishlangan. Markaziy konsol qora anodlangan alyuminiy panel hamda kumush harflar bilan bezatilgan.

“Bugatti Sur Mesure mijozlariga Bugatti giperkarlarining kuzovi va ichki bezagi uchun cheksiz imkoniyatlar taklif etiladi, ularni istalgan rang va materiallar bilan bezash mumkin”, - deyiladi xabarda.

• texnologiya