Bugun, 21-sentyabr kuni Islom Karimov nomidagi Toshkent xalqaro aeroportida mamlakatimiz sportchilarini Xanchjou-2022 XIX yozgi Osiyo o‘yinlariga kuzatish marosimi bo‘lib o‘tdi.

O‘zbekiston Respublikasi Bosh vaziri Abdulla Aripov mazkur tadbirda qatnashib, sportchilarimizga Osiyo o‘yinlarida muvaffaqiyatli ishtirok etishlarida ulkan zafarlar tiladi.

Ma’lumot uchun: Xitoyning Xanchjou shahrida joriy yilning 23-sentyabr – 8-oktyabr kunlari XIX Osiyo va 22-28-oktyabr kunlari IV Paraosiyo o‘yinlari bo‘lib o‘tadi.

Unda qit’amizning 45 davlatidan keladigan 11 ming nafardan ziyod sportchi 59 ta olimpiya va noolimpiya sport turi bo‘yicha g‘oliblik uchun bahs olib boradi. 350 nafardan ortiq tarkibdagi mamlakatimiz sportchilari 32 ta olimpiya va 6 ta noolimpiya sport turidan ishtirok etadi.

• Olimpiada
• Paralimpiya
• Sport
• Xitoy