Islohotchilar qanoti nomzodi Masud Pezeshkiyan va konservatorlar qanoti nomzodi Said Jaliliy Eronda bo‘lib o‘tgan 14-prezidentlik saylovlarining ikkinchi bosqichiga chiqishdi. Bu haqda jurnalistlarga Islom Respublikasi saylov shtabi vakili Mohsen Eslami ma’lum qilgan.

Ovozlarni hisoblash jarayoni yakunlangandan so‘ng, mamlakat bo‘ylab ochilgan 59 mingta saylov uchastkasida 24 535 185 ta byulleten saylovchilarga taqdim etilgan.

Saylov byulletenlarini qayta ishlagandan so‘ng, Masud Pezeshkiyan 42,5 foiz ovoz, ya’ni 10 415 191 ovoz bilan peshqadamlikni qo‘lga kiritgan. O‘z navbatida, konservatorlar qanotidan nomzod Said Jalili 9 473 298 ovoz to‘plagan va ovoz berishning birinchi turini 38,6 foiz natija bilan ikkinchi o‘rinda yakunlagan.

Shunday qilib, islohotchilarning yagona nomzodi Pezeshkiyan va konservativ Jaliliy bugun, 5-iyul kuni bo‘lib o‘tadigan prezidentlik saylovlarining ikkinchi bosqichida o‘zaro kurashadi.

• Eron
• Ibrohim Raisiy
• Prezident
• saylov