“Ayrim Telegram kanallar bugun xodimlar 1 soat oldin uyga ketishga qonuniy haqqi borligini yozishibdi. Bu noto‘g‘ri.

Sababi Mehnat kodeksining 187-moddasida ishlanmaydigan bayram kunlari arafasida har kunlik ishning(smenaning) davomiyligi barcha xodimlar uchun kamida bir soatga qisqartiriladi, deb belgilangan. "Arafasi" deganda qachon nazarda tutilganiga shu moddaning ikkinchi bandida izoh berilgan: “bayramdan oldingi kuni”.

Xulosa:

ish vaqti 1 soatga qisqarishi uchun ish kunining ertasi kunida ishlanmaydigan bayram kuni bo‘lishi kerak. Odatiy yoki qo‘shimcha berilgan dam olish kunlari hisob emas.

Ertaga — 31-avgust. Hech qanaqa bayram kuni emas, odatiy yakshanba kuni.

Bizda Mustaqillik bayrami rasman 1-sentyabrga belgilangan. Demak, shundan bir kun avval, ya’ni faqat 31-avgust kunida ish vaqti 1 soatga qisqartirilishi mumkin xolos. Lekin joriy yilda 31-avgust yakshanba kuniga to‘g‘ri keladi.

Ma’lumot uchun: bugun — shanba kuni, 5 kunliklar uchun odatiy dam olish, 6 kunliklar uchun esa ish kuni” - deb yozadi Xushnud Xudoyberdiyev.

• Dam olish kuni
• Ish
• Ish beruvchi
• Ishchi