14-noyabrda kunduz kuni Oʻzbekiston hududiga Turkmaniston hududlaridan biroz nam va salqin havo massalari kirib kelishi kutilmoqda. Bu haqda Oʻzgidromet xabar berdi.

Qayd etilishicha, buning natijasida respublika boʻyicha baʼzi joylarda biroz yomgʻir yogʻadi. Faqat Andijon, Namangan, Fargʻona viloyatlarida yogʻingarchiliksiz ob-havo saqlanib turadi. Shamol baʼzi joylarda 15-20 m/s gacha kuchayishi aytilmoqda. Kunduz kungi harorat 8-13° iliqdan yuqori boʻlmaydi.

Keltirilishicha, Toshkentda kunning ikkinchi yarmida biroz yomgʻir yogʻadi. Shamol 7-12 m/s tezlikda esadi. Havo harorati 9-11° iliq boʻladi.

Shuningdek, togʻ oldi va togʻli hududlarda baʼzi joylarda yogʻingarchilik boʻladi, tuman tushishi mumkin. Shamol baʼzi joylarda 15-20 m/s gacha kuchayishi mumkin. Harorat 3-8° iliq boʻladi.

• Ob-havo