Bugun, 11-fevral kuni Prezident Shavkat Mirziyoyev raisligida “Xavfsiz va ravon yo‘l” tamoyili asosida yo‘llarda inson xavfsizligini ta’minlash borasidagi ishlarni yangi bosqichga olib chiqish chora-tadbirlariga bag‘ishlangan videoselektor yig‘ilishi o‘tkaziladi. Bu haqda Prezident matbuot kotibi Sherzod Asadov ma’lum qildi.

Unda tizimni tubdan o‘zgartirishga qaratilgan bir qator muhim vazifalar belgilab berilishi kutilmoqda.

Eslatib o‘tamiz, davlat rahbari kecha, 10-fevral kuni Samarqand viloyatiga tashrifi paytida ham mazkur masalaga to‘xtalgan hamda Toshkent shahri ko‘chalarida eng yuqori tezlikni 60 km\/soat etib belgilash haqida gapirgan edi.

• Prezident
• Videoselektor