Bugun, 8-avgust kuni tush payti oraligʻida Toshkentda G3 darajali, 4 ballik magnit boʻroni boʻlishi prognoz qilinmoqda. Bu haqda Gidrometeorologiya xizmati markazi mutaxassisi Erkin Abdulahatov maʼlum qildi.

“Bugun kunduzgi 3 soatlik vaqt oraligʻida 4 ballik magnit boʻronlari boʻlishi kutilmoqda. Magnit boʻroni yuqori faolligi tush paytiga toʻgʻri kelayotgani uchun bu omilning organizmga salbiy oqibatlarini kamaytirish maqsadida taomnomaga baliq va koʻkat mahsulotlarini kiritish, ularni isteʼmol qilish tavsiya etiladi”, – deydi Abdulahatov.

Qayd etilishicha, magnit boʻronlarining G3 darajasi kuzatilgan davrda koʻpchilikda bosh qismining orqa tomonida ogʻriq kuzatiladi. Bu paytda taʼsirchan insonlarga kamroq harakat qilish hamda uyda qolish tavsiya etiladi.

• Ob_havo