12°
Kechasi 5°
9-11-iyul kunlari Vashingtonda NATOning Ukrainaga bag‘ishlangan sammiti bo‘lib o‘tadi. Shuningdek, bugun NATO tashkil etilganining 75 yilligini nishonlash ham rejalashtirilgan.
Ushbu sammit NATO bosh kotibi Jens Stoltenberg raisligida bo‘lib o‘tadi. Qayd etilishicha, kun tartibining asosiy nuqtasi Rossiya-Ukraina urushi bo‘ladi. Shu munosabat bilan sammitda alyansning 32 a’zosi, shuningdek, Ukraina, Avstraliya, Yaponiya, Yangi Zelandiya va Janubiy Koreya rahbarlari ishtirok etadi.
Muhokamalardan so‘ng, a’zo davlatlar Ukrainani qo‘llab-quvvatlash bo‘yicha muhim chora-tadbirlar bo‘yicha fikr almashadi.
Ta’kidlash joizki, NATO a’zolari 2022-yildan beri Ukrainani qo‘llab-quvvatlash uchun unga yiliga 40 milliard yevro ajratgan.
Shuningdek, sammitda NATO Ukraina xavfsizligini xalqaro qo‘llab-quvvatlashni muvofiqlashtirish uchun qo‘mondonlik markazi tashkil etilishini e’lon qiladi. Ushbu qo‘mondonlik markazi Germaniyada joylashgan bo‘ladi.
NATO 1949-yilda Vashingtonda 12 mamlakat “Shimoliy Atlantika shartnomasi”ni imzolagandan so‘ng tashkil etilgan.
Shuningdek, NATO sammiti oxirgi marta AQShda 2012-yilda bo‘lib o‘tgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
