Ayni kungacha mamlakatimizda jami 29 million 735 ming dozadan ortiq vaksinadan foydalanildi, deya xabar bermoqda SSV.

Qayd etilishicha, 13-noyabrda Oʻzbekiston hududlari boʻylab 281 170 doza COVID-19ga qarshi vaksina qoʻllanilgan boʻlib, ulardan 1-bosqich emlanganlar 164 004 nafarni, 2-bosqich emlanganlar 68 941 nafarni, 3-bosqich emlanganlar esa 48 225 nafarni tashkil qilgan.

Keltirilishicha, ayni kungacha mamlakatimizda jami 29 735 466 doza vaksinadan foydalanilgan.

Ulardan 1-bosqich emlanganlar 15 554 597 nafarni, 2-bosqichda emlanganlar 9 362 198 nafarni hamda 3-bosqich emlanganlar 4 818 671 nafarni tashkil qilgan.

Maʼlum qilinishicha, kecha Samarqand (41 777 doza) va Toshkent viloyati (39 447 doza), hamda Toshkent shahri (28 690 doza) emlash koʻrsatkichlari boʻyicha yuqori oʻrinlarni band etgan.

Shuningdek, birinchi doza bilan emlanish koʻrsatkichi emlanishi rejalashtirilgan qatlamga nisbatan 72,5 foizni tashkil qilmoqda.

• SSV
• koronavirus