Prezident Yoshlar kuniga bagʻishlangan bayram tadbiridagi nutqida mahalladagi yoshlar yetakchilarining faoliyatiga toʻxtaldi.

Maʼlum qilinishicha, joriy yildan boshlab 36 ta sport federatsiyasi, 274 ta sport maktabi oʻz hududidagi mahallalar, oʻrta maktablar, kollej va texnikumlar bilan hamkorlikda ishlaydi.

Har bir koʻcha, mahalla, maktab, kollej va texnikumda futbol, basketbol, voleybol, stol tennisi, velosport, yugurish, shaxmat-shashka va boshqa sport turlari boʻyicha jamoalar tuziladi.

Prezident bunday ishlarni amalga oshirish mahalladagi yoshlar yetakchilaridan katta masʼuliyat va tashabbuskorlik talab qilishini taʼkidlab, yoshlar yetakchilariga kengroq imkoniyat va vakolatlar berishni taklif qildi.

Shundan kelib chiqib, bundan buyon har yili oliygohlarning sirtqi boʻlimiga oʻqishga qabul qilingan 500 nafar eng faol yoshlar yetakchilarining kontrakt toʻlovlari Yoshlar ishlari agentligi tomonidan toʻlab berilishi aytib oʻtildi.

• Kontrakt
• Prezident
• Shavkat Mirziyoyev
• Yoshlar