Jahon sog‘liqni saqlash tashkiloti bosh direktori Tedros Adhanom Gebreyesus Jenevada bo‘lib o‘tgan brifingda 92 mamlakatda 35 mingdan ortiq maymunchechak kasalligi aniqlanganini ma’lum qildi.

Hozirgacha 12 kishi ushbu kasallikdan vafot etdi.

“Hozirda Jahon sog‘liqni saqlash tashkilotida 92 mamlakatda 35 000 dan ortiq maymunchechak kasalligi aniqlanganiligi haqidagi xabar mavjud.

Shulardan 12 tasi vafot etdi. O‘tgan hafta esa deyarli 7 500 ta kasallanish holati qayd etildi”, – dedi JSST rahbari.

Keltirilishicha, bu galgi ko‘rsatgichlar avvalgi haftaga nisbatan 20% ga ko‘p.

Ma’lumot uchun, “Maymunchechak” - Markaziy va G'arbiy Afrikaning tropik o‘rmonlari yaqinidagi chekka hududlarda tarqalgan va odatda kemiruvchilar, yovvoyi hayvonlar tomonidan odamlarga yuqadigan virusli kasallik.

Kasallangan bemorlar isitma, bosh og‘rig‘i, mushak va bel og‘riqlari, shishgan limfa tugunlari, titroq va charchoqdan aziyat chekadi.

Bundan tashqari, terida turli xil toshmalar bo‘lishi mumkin.

• JSST
• Maymun chechagi
• Yevropa