Ayni paytda Buxoroda Qurilish va uy-joy kommunal xoʻjaligi vaziri B.Zokirov boshchiligida shahar markazida “Turizm shaharchasi” qurilishi yuzasidan matbuot anjumani oʻtkazilmoqda.

Unda masʼullar, sektor rahbarlari, jurnalist va blogerlar hamda keng jamoatchilik vakillari ishtirok etmoqda.

Maʼlum qilinishicha, jamoatchilik orasida koʻplab eʼtirozlarga sabab boʻlgan, yaqindagina katta pul evaziga taʼmirlangan Buxoro markaziy stadioni qachonki, yangi stadion qurib bitkazilmaguncha buzilmaydi.

Shuningdek, anjumanda Buxoro viloyat hokimi Botir Zaripov buziladigan joylarda birorta fuqaroning yashash joyi yoʻqligi, ularning manfaatiga zarar yetmasligini taʼkidlagan.

“Viloyat hokimligi binosiga kelsak, bizga buncha katta binoning keragi yoʻq. Investor stadionning yangisini avvalgisidan yaxshi qurib berganidan keyin bu masalani koʻrib chiqamiz. Daraxtlar maksimum saqlab qolinadi. 11 gektar joy yashil maydon boʻladi. Albatta, bular faqat taklif”, — dedi hokim.

• Buxoro
• Matbuot anjumani
• Qurilish vazirligi