“O‘zbekneftgaz” AJ Matbuot xizmatining xabar berishicha, Toshkent shahrida o‘tkazilgan “Markaziy Osiyo neft kimyosi va neftni qayta ishlash 2021” 8-xalqaro konferensiyasi doirasida “O‘zbekneftgaz” AJ hamda Rossiyaning “Gazpromneft-Promishlenniye Innovatsii” kompaniyasi o‘rtasida Buxoro neftni qayta ishlash zavodida yuqori oktanli avtobenzinlar ishlab chiqarish texnologiyalarini joriy etish bo‘yicha muzokaralar o‘tkazilgan.

Muzokaralarda  Buxoro neftni qayta ishlash zavodida ishlab chiqarilayotgan “AI-80” rusumidagi avtobenzin yonilg‘isi o‘rniga “AI-92” rusumidagi avtobenzin yonilg‘isini ishlab chiqarish quvvatlarini kengaytirish maqsadida “Gazpromneft-Promishlenniye Innovatsii” kompaniyasining yangi innovatsion “Aroforming” texnologiyasi muhokama qilindi.

"Taklif etilayotgan texnologiyani kelgusida zavodda tadbiq qilish, ishlab chiqarilayotgan “AI-80” rusumidagi avtobenzin yonilg‘isidan to‘liq voz kechish hamda yuqori oktan sonli avtobenzin yonilg‘ilarini ishlab chiqarish imkonini beradi", deyiladi xabarda.

• Benzin
• Innovatsiya
• O‘zbekiston