Ichki ishlar vazirining tegishli buyrug‘iga asosan Buxoro viloyati Ichki ishlar boshqarmasi tizimida katta kadrlar o‘zgarishi amalga oshirildi.

Jumladan, viloyat IIB boshlig‘ining o‘rinbosari — Tergov boshqarmasi boshlig‘i, Huquqiy statistika va tezkor hisob ma’lumotlar markazi rahbari, Buxoro shahar IIO FMB boshlig‘ining o‘rinbosari, shuningdek, G‘ijduvon va Kogon tumanlari IIB rahbariyatidagi bir qator mas’ul shaxslar o‘z lavozimlaridan ozod etildi.

Bundan tashqari, viloyat IIB Jamoat xavfsizligi xizmati, Tergov boshqarmasi va Kotibiyat rahbarlari sirasidagi ayrim xodimlarga nisbatan intizomiy jazo choralari qo‘llanildi.

Mazkur o‘zgarishlar ichki ishlar organlari tizimidagi ish samaradorligini oshirish, faoliyatda mas’uliyat va intizomni kuchaytirish maqsadida amalga oshirilgani ma’lum qilindi.

• Buxoro
• IIB