Buxoroda Telegram kanal ochib, unda pornografik videolar targ‘ib qilgan shaxs javobgarlikka tortildi. Bu haqda IIV matbuot xizmati xabar berdi.

Qayd etilishicha, Buxoro shahar S.Jo‘ra ko‘chasida yashovchi 2003-yilda tug‘ilgan B. ismli shaxs ilgari ham pornografik materiallarni tarqatganligi uchun O‘zbekiston Respublikasi Ma’muriy javobgarlik to‘g‘risidagi kodeksning 189-moddasi bilan ma’muriy javobgarlikka tortilgan bo‘lgan.

Biroq, bundan o‘ziga ijobiy xulosa chiqarmasdan yana shu ishini davom ettirib, “Samsung” rusumli uyali telefoni orqali internet tarmog‘ida alohida Telegram kanal ochgan. U o‘zi ochgan kanalida pornografik mazmundagi videoroliklarni yuklab borgan va ommaga targ‘ib qilgan.  

Mazkur holat yuzasidan B. ga nisbatan O‘zbekiston Respublikasi Jinoyat kodeksining 130-moddasi 1-qismi (pornografik materiallar tayorlash, olib kirish, tarqatish, advertising qilish, namoyish etish) bilan jinoyat ishi qo‘zg‘atilgan.

Hozirda dastlabki tergov harakatlari olib borilmoqda.

• Jarima
• Jinoyat
• Pornografiya