Buxoroda bino qulashi natijasida fuqaro jabrlandi. Viloyat FVB mazkur holat yuzasidan ma’lumot berdi.
Qayd etilishicha, joriy yilning 31 oktabr kuni soat 16:03larda fuqaro Sh.S.dan olingan ma’lumotga ko‘ra, Buxoro shahar Do‘stlik MFY T.Farog‘iy ko‘chasida joylashgan qurilishi tugallanmagan “Kogon Quruvchi montaj” MCHJga qarashli 3-qavatli binoning tom qismida qurilish materiallarining vazndan ortiq yuklanishi natijasida binoning yuk konstruksiyalari (regil plitalari) qulagan.
Holat natijasida mazkur qurilishi tugallanmagan binoda quruvchi bo‘lib ishlayotgan Jondor tumani “Xo‘jaxayron” MFY Xo‘jaxayron qishlog‘ida yashovchi fuqaro 1973 y.t R.K. bino qulashi oqibatida tan jarohati olib, Buxoro viloyati Favqulodda vaziyatlar boshqarmasi Yong‘in-qutqaruv otryadi tomonidan qutqarilgan va Respublika shoshilinch tez tibbiy yordam ilmiy markazi Buxoro filialida yotqizilgan.
Hozirgi vaqtda Buxoro viloyati qurilishi sohasida hududiy nazorat inspeksiyasi xodimlari tomonidan binoning qulab tushishi bilan bog‘liq o‘rganish ishlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!