Buxorolik tadbirkor Komiljon Qudratov Janubiy Koreya kompaniyasi bilan hamkorlikda yillik quvvati 30 mingta elektromobil bo‘lgan zavod qurish niyatida ekanligini ma’lum qildi.

“Ideal Lift” MChJ rahbari Komiljon Qudratovning ma’lum qilishicha, Janubiy Koreyaning “Songuo mobility innovation co, Ltd” kompaniya delegatsiyasi vakillari bilan bo‘lgan uchrashuvda Buxoro viloyatida qiymati 1 mlrd 210 mln. dollarga teng bo‘lgan ishlab chiqarishni tashkil etish loyihasini amalga oshirish bo‘yicha takliflar o‘rtaga tashlangan va keng muhokama qilingan.

“Bu tashqi bozorda respublikaning milliy manfaatlarini himoya qilish, o‘zbek iste’molchilarining manfaatlarini qo‘llab-quvvatlash va yangi 450 dan ziyod ishsiz aholi bandligini ta’minlashdir”, – deydi Komiljon Qudratov.

Tomonlar loyiha bo‘yicha tayyorgarlik ishlarini boshlash to‘g‘risida bitimni, jumladan, yuqori texnologiyali uskunalarni yetkazib berish, loyihalashtirish, montaj jarayoni davomida nazorat qilish va elektromobillar ishlab chiqarish nazarda tutilgan shartnomani imzoladilar.
 

• Avto
• Buxoro
• Elektromobil