Turkiya Prezidenti Rajab Toyib Erdo‘g‘an joriy yilning 5-yanvar kuni AQSh Prezidenti Donald Tramp bilan Ukraina mojarosini tartibga solish rejasini muhokama qilishni rejalashtirmoqda. Bu haqda u bugun, 2-yanvar kuni jurnalistlar bilan suhbatda ma’lum qildi.

“Men ham Rossiya Prezidenti Vladimir Putin bilan, ham Tramp bilan aloqalarni davom ettiryapman. Dushanba kuni Parijda “Ko‘ngillilar koalitsiyasi” sammiti bo‘lib o‘tadi. Unda mening nomimdan Tashqi ishlar vaziri ishtirok etadi. Dushanba kuni kechqurun esa men yana Tramp bilan gaplashaman va Ukrainadagi vaziyatni tartibga solish hamda Falastin muammosini muhokama qilamiz”, – deydi Erdo‘g‘an.

Qayd etish joiz, Turkiya rasmiylari bir necha bor Rossiya va Ukraina o‘rtasida to‘g‘ridan to‘g‘ri muzokaralar o‘tkazish uchun o‘z maydonini taqdim etishga tayyor ekanini bildirgan va Ukraina bo‘yicha yetakchilar uchrashuvi bo‘lib o‘tishiga umid qilayotganini ta’kidlagan. Xususan, 2025-yilda Istanbulda Rossiya va Ukraina vakillari o‘rtasida uch bosqichli muzokaralar o‘tkazildi.

Turkiya prezidenti, shuningdek, Amerika rahbari bilan Falastin muammosini ham muhokama qilishni rejalashtirmoqda.

• AQSh
• Erdogʻan
• Rossiya
• Tramp
• Turkiya
• Ukraina