Buxoroning Shofirkon tumanida ona o‘z qizining yuzi, qo‘li va badaniga qizigan kapgir bosdi. Mazkur holat Bolalar ombudsmani tomonidan alohida nazoratga olingan.

Olib borilgan tergovga qadar tekshiruv davomida M.J. (1990-yilda tug‘ilgan ayol) joriy yilning 25-oktyabr kuni uyining oshxonasida 2015-yilda tug‘ilgan qizi B.A. ning qo‘llari va yuz qismiga qizigan oshxona temir “kapgiri”ni bosib, qizi B.A. ga tan jarohati yetkazganligi aniqlangan.

Voyaga yetmagan qizga nisbatan sudga oid tibbiy ekspertiza tayinlangan. Hozirda voyaga yetmagan B.A. tuman tibbiyot birlashmasiga yotqizilib, unga shifokorlar tomonidan zaruriy tibbiy xizmat ko‘rsatilmoqda.

Mazkur holat yuzasidan Shofirkon tuman IIB huzuridagi TG tomonidan M.J. ga nisbatan JKning 126 (1) moddasi 3 -qismi (Oilaviy (maishiy) zo‘ravonlik) bilan jinoyat ishi qo‘zg‘atilgan. Hozirda tergov harakatlari olib borilayotgani ma’lum qilindi.

Holat yuzasidan onaga nisbatan Jinoyat kodeksining 126-1-moddasi 3 -qismi (Oilaviy (maishiy) zo‘ravonlik) bilan jinoyat ishi qo‘zg‘atilgan.

• Buxoro
• Ombudsman