Bosh prokuratura huzuridagi Departamentning Vobkent tuman boʻlimi tomonidan viloyat IIB xodimlari bilan hamkorlikda tezkor tadbir oʻtkazildi.

“J.T.” nodavlat taʼlim muassasasi avtomaktabi kotibasi E.G. fuqaro L.T.ni haydovchilik guvohnomasini olish uchun boʻlib oʻtadigan imtihondan tanishlari yordamida oʻtkazib qoʻyishi evaziga 700 AQSh dollarini olgan vaqtida ashyoviy dalillar bilan ushlangan.

Boshqa bir holatda Xorazmda fuqaro F.Q. fuqarolar S.S., R.A. va A.A.ni haydovchilik guvohnomalarini olish uchun boʻlib oʻtadigan imtihondan tanishlari yordamida 1 500 AQSh dollari evaziga oʻtkazib qoʻyishini aytib, shundan 10,2 mln soʻmni boshqa bir fuqaro F.R. orqali olgan vaqtida ashyoviy dalillar bilan ushlangan.

Maʼlum qilinishicha, mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari olib borilmoqda.

• Departament
• Haydovchilik guvoxnomasi