FVV Matbuot xizmati Buxoro viloyati Kogon shahar “Do‘stlik” MFY Do‘stlik ko‘chasida sodir bo‘lgan hodisa yuzasidan birlamchi ma’lumot berdi.                  

Ma’lum qilinishicha, 2021-yil 16-noyabr kuni soat 14:50da Kogon shahar “Do‘stlik” MFY Do‘stlik ko‘chasida “61-Avtokorxona” MCHJ tomonidan oqava suv quvurlarini yotqizish maqsadida, yer 5-6 metr chuqurlikda, eni 3 metr oraliqda kavlangan holda, 1000 mm. li suv quvurlari yotqizilayotgan vaqtda chuqurning chap tomoni o‘pirilib, ikki nafar ishchini tuproq va qum bosib qolgan.

Viloyat Favqulodda vaziyatlar boshqarmasi qutqaruvchilari tomonidan voqea joyida olib borilgan tezkor qidiruv ishlari natijasida ikki nafar fuqaroning jasadi tuproq ostidan olib chiqilgan.

Voqea joyiga FVB, IIB, SSB va Prokuratura rahbariyati va tezkor-tergov guruhi chiqqan.

Mazkur hodisa yuzasidan dastlabki tergovoldi surishtiruv ishlari olib borilmoqda.

• Buxoro
• FVV