Buxoro viloyati Favqulodda vaziyatlar boshqarmasining telegram sahifasida Buxoro shahar, Amir Temur ko‘chasi yo‘l yoqasida turgan vagonda sodir bo‘lgan yong‘in yuzasidan bayonot berildi.

Unga ko‘ra, voqea haqidagi xabar joriy yilning 15-noyabr kuni soat 11:37 da viloyat favqulodda vaziyatlar boshqarmasining tezkor navbatchilik xizmatiga kelib tushadi. 2 ta tezkor yong‘in qutqaruv avtoekipaji o‘t o‘chiruvchilarning tezkor harakati tufayli yong‘in 12:05 da batamom o‘chirilgan.

 Yong‘in natijasida vagonning 30 m/kv ichki yog‘och qoplamasi va ko‘rpa to‘shaklari yongani xabar qilinmoqda. Birlamchi ma’lumotlarga ko‘ra yong‘inning kelib chiqish sababi elektr simlarining qisqa tutashuvi bo‘lishi mumkin. 
Yong‘in oqibatida fuqarolarning jabrlanish holati yo‘q.

• Buxoro
• FVV