Ijtimoiy tarmoqlarda Gʻijduvon tumanining choʻl hududida bir ayolni bir necha erkak jinsiy aloqa qilishga majburlagani aks etgan videotasvir tarqaldi. Holat boʻyicha viloyat IIB rasmiy axborot berdi.

Qayd etilishicha, ushbu holat 2023-yilning 30-mart kuni soat taxminan 13:00 larda Gʻijduvon tumani “Sarmijon” mahallasida yashovchi, 1994-yilda tugʻilgan D.B. tanishi, shu mahallada yashovchi 1991-yilda tugʻilgan S.G. ismli ayolni tumanning “Qoraxoni” mahallasi “Jilvon” choʻl hududiga olib borib, uning erkiga zid ravishda jinsiy aloqada boʻlib, oʻzi bilan birga borgan sherigi tomonidan holatni videotasvirga olgan.

Ushbu videotasvir orqali uni oʻziga qaram qilib, yonida boʻlgan boshqa 3 nafar tanishi bilan ham jinsiy aloqada boʻlishga majbur qilgan.              

Maʼlum qilinishicha, mazkur holat yuzasidan Oʻzbekiston Respublikasi Jinoyat Kodeksining 121-moddasi 2-qismi bilan jinoyat ishi qoʻzgʻatilib, ish yuzasidan gumon qilinuvchi 3 nafar shaxs Oʻzbekiston Respublikasi JPKning 221-moddasi tartibida ushlanib, dastlabki tergov harakatlari davom ettirilmoqda.

• Buxoro
• IIB