Buyuk Britaniya va Qo‘shma Shtatlar kelajakdagi tijorat kosmik parvozlarida hamkorlik qilishga kelishib oldilar, bu ikki mamlakat kompaniyalarining umumiy kosmodromlardan foydalanish imkoniyatlarini kengaytirdi. Bu haqida “Reuters” axborot agentligi xabar bermoqda. 

Qayd etilishicha, Buyuk Britaniya transport vaziri Grant Shapps va uning amerikalik hamkasbi Pit Buttigig tomonidan shu hafta Vashingtonda imzolangan hamkorlik shartnomasi mijozlar uchun kosmik sayohatni yanada qulayroq bo‘lishiga xizmat qiladi. 

Qabul qilingan hujjat Buyuk Britaniya va AQSh kosmodromlaridan raketalar, baland havo sharlari va kosmik samolyotlarni uchirish uchun asos yaratadi. Hamkorlik ikki davlatga tijorat kosmik parvozlarini litsenziyalashda hamkorlik qilish imkonini beradi.

• AQSh
• Buyuk Britaniya
• kosmos