Buyuk Britaniya qiroli Karl III Georgning toj kiyish marosimi yozning birinchi shanbasi, 2023-yil-3 iyun kuni Vestminster abbatligida bo‘lib o‘tadi. Bu haqda Britaniya rasmiylariga tayanib, “Bloomberg” xabar bermoqda.

Qayd etilishicha, marosim sanasi allaqachon aniqlangan, ammo bu davrda yana qaysi kunlar dam olish kuni deb e’lon qilinishi haqida munozaralar davom etmoqda.

Rasmiy ravishda, toj kiyish sanasi hali e’lon qilinmagan, chunki bunga Bukingem saroyi vakillari izoh berishdan bosh tortgan.

2023-yil iyun oyida Karl III 74 yoshga to‘ladi, undan avval hech bir Britaniya monarxi bunday keksa yoshda toj kiymagan.

Marhum qirolicha – Yelizaveta II 2022-yil 8-sentyabr kuni 96 yoshida Shotlandiyada joylashgan Balmoraldagi qarorgohida vafot etdi. Uning dafn marosimi 19-sentyabr kuni bo‘lib o‘tdi.

Qayd etish mumkin, Yelizaveta II dunyo tarixida eng uzoq vaqt mamlakatni boshqargan hukmdorlardan biri sanaladi. U 1953-yil 2-iyun kuni 26 yoshida Vestminster abbatligida otasi Genrix VI vafotidan bir yildan ko‘proq vaqt o‘tib, toj kiygan edi. O‘shanda marosim birinchi marta to‘liq holda televideniyeda namoyish etilgan.

• Buyuk Britaniya
• Karl III
• Yelizaveta II