Prezident Shavkat Mirziyoyevning Ish haqi miqdorini oshirish to‘g‘risidagi farmoni imzolandi.

Farmon matnida aholi turmush darajasini oshirishga qaratilgan chora-tadbirlar ko‘lamini kengaytirish hamda fuqarolarning daromadlarini izchil oshirib borish maqsadida 2022-yil 1-iyundan boshlab byudjet tashkilotlari xodimlarining ish haqi miqdori 12 foizga oshirilishi nazarda tutilmoqda.

Unga ko‘ra, 2022-yil 1-iyundan:

– O‘zbekiston hududida eng kam ish haqi miqdori oyiga 920 ming so‘m (hozir 822 ming so‘m);

– bazaviy hisoblash miqdori 300 ming so‘m (hozir 270 ming so‘m) etib belgilandi. 

Byudjet tashkilotlari xodimlarining ish haqi miqdori oshirilishi bilan bog‘liq xarajatlar O‘zbekiston Respublikasi Davlat byudjeti mablag‘lari hisobidan qoplanishi belgilangan.

Ish beruvchilarga ish haqi miqdorini qonunchilik hujjatlarida belgilangan mehnatga haq to‘lashning eng kam miqdoridan kam bo‘lmagan holda to‘lashni taʼminlab, ish haqi miqdorini mehnatga haq to‘lashning eng kam miqdoriga muvofiq oshirish tavsiya etilgan.

• Farmon
• Maosh
• Yangilik