Sog‘liqni saqlash vazirligi Jamoatchilik bilan aloqalar bo‘limi xabariga ko‘ra, so‘nggi 20 kun davomida “Call-markaz”ga jami 14 ming 112 ta murojaat kelib tushgan.

Shuningdek, yangi yilning dastlabki 5 kunida o‘rtacha murojaatlar soni 300-400 tani tashkil etgan bo‘lsa, navbatdagi besh kunda ketma-ket o‘sish kuzatilib, 478 tadan 761 tagacha yetgan. Xususan, 1-10 yanvar sanalarida “Call-markaz” dispetcherlari 4512 ta murojaatni qabul qilgan.

Yanvar oyining ikkinchi o‘n kunligidan boshlab bu ko‘rsatkich sezilarli darajada oshgani qayd etilgan. Murojaatlar soni kuniga o‘rtacha 900-1000 taga yetgan. Natijada oyning ikkinchi o‘n kunligida jami 9600 ta murojaat qilingan. Ushbu ko‘rsatkich, 1-10 yanvar kunlariga qiyoslaganda, ikki barobarga oshgan.

“Call-markaz”ga qo‘ng‘iroq qiluvchilarning katta qismi korononavirusning yangi shtammi belgilari, uni davolash yo‘llariga oid savollar bilan murojaat etmoqda, deyiladi xabarda.

• SSV
• koronavirus