Checheniston prezidenti Ramzan Kadirov mamlakatda e’lon qilingan qisman safarbarlikdan so‘ng mamlakatni tark etayotgan rus erkaklariga murojaat qildi.

Uning fikricha, safarbarlik chaqiruvidan qochishga urinish qo‘rqoqlik belgisidir.

“Qochqinlar, sizlarga murojaat qilyapman. Siz turli bahonalarni topishingiz mumkin. Hozirgi harakatlarni bo‘llab-quvvatlamasligingiz mumkin. Shuningdek, urush va qurol ko‘tarishsiz uchun emasligini va bu kabi zo‘ravonlik holatlarini qabul qilolmasligingiz kabi ertaklarni sabab qilishingiz mumkin. Ammo, bilingki, siz xoin, qo‘rqoq va ikkinchi darajali odamsiz.

Agar sizga kerak bo‘lsa, o‘z huquqlaringizni davlatdan talab qiladigan fuqarosiz. Ammo, davlat sizning qo‘llab-quvvatlashingizga muhtoj bo‘lsa siz kimga aylanasiz? Siz shunchaki qo‘rqoqsiz, quyon qalbingiz qulisiz, qarindoshlaringizni, do‘stlaringizni, tanishlaringizni, uyingizni, shahringizni tashlab ketasiz… va hech qanday bahona bu sharmandalikni yuvmaydi. Siz hatto qo‘rqoqligingizni tan olishga qo‘rqasiz”, – deb yozgan Kadirov o‘z telegram kanalida.

• Ramzan Qodirov
• Rossiya